گه‌شت و سه‌یرانی ئه‌ندامانی جه‌ماعه‌ت، ڕۆژی شه‌ممه 26ی گوڵانی 1394 له سه‌یرانگای «سپیاو» به‌ڕێوه چوو. سه‌یران و گه‌شتی بنه‌ماڵه‌یی ئه‌ندامان و لایه‌نگرانی جه‌ماعه‌تی ده‌عوه‌ت و ئیسلاحی شاری سه‌وڵاوا له سه‌یرانگای «سپیاو» له نزیکه‌و گوندی بندۆڵی شاری سه‌وڵاوا له داوێنی سروشت جوانی ئه‌م ناوچه‌یه به‌ڕێوه چوو.
جووتیار قارەمان پەرلەمانتارێکی پارتی دیموکراتی گەلان - هەدەپە رایدەگەیێنێت، بە تەنیا بەشداریی هەڵبژاردن دەکەن و ناچنە نێو هیچ هاوپەیمانێتییەکەوە، بەڵام ئەگەر بۆ پرسی سەرۆککۆمار بەرنامەی کەسێکیان بەدڵ بێت، لەگەڵی دادەنیشن و دەنگی دەدەنێ. حەسەن ئۆزگونەش، ئەندامی پەرلەمانی تورکیا لە فراکسیۆنی هەدەپە بە رادیۆی رووداوی راگەیاند، "ئەو هاوپەیمانێتییانەی دروست بوون ناتوانن بەبێ هەدەپە هیچ بکەن، ئەوان پێویستیان بە هەدەپەیە. ئێمە بە تەنیا بەشداریی هەڵبژاردن دەکەین و ناچینە نێو هیچ هاوپەیمانێتییەکەوە."
ئه‌حمه‌د شه‌ریفی، نووسه‌ر و ڕۆژنامه‌نووسی کورد، به‌یانی ئه‌مڕۆ چوارشه‌ممه کۆچی دوایی کرد. به پێی ڕاپۆرتی ئیسلاح وێب، ئه‌حمه‌د شه‌ریفی ماوه‌یه‌کی زۆربوو به نه‌خۆشینه‌وه گرفتار بوو و له‌م دواخریانه‌دا بارودۆخی جه‌سته‌یی زۆر ناله‌بار ببو.
فه‌ھمی ھوه‌یدی ڕۆژنامه‌نووسی میسری سه‌باره‌ت به ئاکامی ھه‌ڵبژاردنه‌کانی تورکیا که ڕۆژی یه‌کشه‌ممه به‌ڕێوه چوو، وتی : حیزبی داد و گه‌شه‌پێدان ھه‌رچه‌ن ھه‌ندێک له کورسیه‌کانی پارله‌مانی له ده‌ست دا بەڵام توانی براوه‌ی مێژوو و دێموکراسی بێت. ھوه‌یدی له پێوه‌ندیه‌کی تایبه‌تی کە له ڕێگای ته‌له‌فۆنه‌وه له‌گه‌ڵ ھه‌واڵنێری ئاناتۆلیدا بووی، ڕایگه‌یاند : «ھه‌رچه‌ن حیزبی داد و گه‌شه‌پێدان، له‌م ھه‌ڵبژاردنه‌دا، ھه‌ندێک له کورسیه‌کانی پارڵمانی له ده‌س دا، به‌ڵام ده‌بێ دیان به‌وه‌دا بنێین که له مێژوو و دێموکراسیدا براوه بوو.»
زانای پایه‌به‌رز، مامۆستا مه‌لا مه‌حمود واوی، وتارخوێنی «نه‌ڵاس»ی سه‌رده‌شت، ڕۆژی سێ شەممه، ماڵئاوایی له ژیان کرد. به پێی ڕاپۆرتی پێگه‌ی ھه‌واڵنێری ئیسلاح، مامۆستا مه‌لا مه‌حمود واوی، کوڕی مه‌لا محه‌مه‌د له ساڵی 1317ی ھه‌تاوی له گوندی «بناوه«ی سه‌رده‌شت ھاته دونیاوه. له ته‌مه‌نی سێ ساڵیدا باوکی له ده‌ست دا. پۆلی سه‌ره‌تایی له خوێندنگاکانی سه‌رده‌شتدا خوێندووه.
ئێواره‌ی ڕۆژی پێنج شه‌ممه 28ی جۆزه‌ردان، ڕێوڕه‌سمی کۆچی دوایی ئه‌حمه‌دی قازی، نووسه‌ر و وەرگێڕی کورد له مزگه‌وتی جامێعای شارۆچکه‌ی «خۆرئاوا»ی تاران به‌ڕێوه چوو. لەم ڕێوڕه‌سمه‌دا، ھه‌ندێک له که‌سایه‌تییه سیاسی، کۆمه‌ڵایه‌تی، فه‌رھه‌نگی و ئه‌ده‌بی کۆمه‌ڵی کورده‌کانی دانیشتووی پێته‌ختی ئێران و نوێنه‌رانی ھه‌رێمی کوردستانی عێراق لە ئێران و ده‌سته‌یه‌ک به نوێنه‌رایه‌تی جه‌ماعه‌تی ده‌عوه‌ت و ئیسلاحی ئێران کۆ بوونه‌وه.
بۆ یه‌كه‌م جار محه‌مه‌د مورسیی سه‌رۆكی زیندانیكراوی میسر، به جلوبه‌رگی له‌سێداره‌دانه‌وه ده‌ركه‌وت. ئه‌مڕۆ له كاتی به‌ڕێوه‌چوونی دانیشتنێكی تری دادگایكردنی له دۆسێی سیخوڕی له‌گه‌ڵ قه‌ته‌ر، محه‌مه‌د مورسی یه‌كه‌م سه‌رۆكی هه‌ڵبژێردراوی مه‌ده‌نی له مێژووی میسر، به جلوبه‌رگری له‌سێداره‌دانه‌وه ده‌ركه‌وت.
13 كه‌س له به‌رپرسانی ئیخوان له په‌لامارێکی تیرۆریستی ھیزه ئه‌منییه‌کانی رژیمی کوده‌تاچی، له ماڵێک له خۆرئاوای قاھیره شه‌ھید کران. به‌پێی ڕاپۆرتی الجزیرە، 13 که‌س له به‌رپرسانی ئیخوان که له ماڵێک له ڕۆژئاوای قاھیره‌دا بوون، له په‌لامارێکی ھیزه ئه‌منییه‌کانی رژیمه‌که‌ی سیسی، دوێنێ چوارشه‌مه 10 پووشپه‌ڕ به گوللە شه‌ھید کران. له ناوی شه‌ھیده‌کانی دوێنێدا، ناسر الحافی، به‌رپرسی کومیسیۆنی مافی جه‌ماعه‌تی ئیخوان له میسر و عه‌بدولفه‌تاح محه‌مه‌د ئیبراەھیم به‌رپرسی کومیسیۆنی پشتگری له بنه‌ماڵه‌ی به‌نکراوان و شه‌ھیده‌کانی جه‌ماعه‌ت به‌رچاو ده‌که‌وێ.
به‌ربانگ کردنه‌وه‌ی ئه‌ندامانی جه‌ماعه‌تی ده‌عوه‌ت و ئیسلاحی شاری ورمێ له شه‌وی 19ی ڕه‌مه‌زان به‌رانبه‌ری 14 پووشپه‌ڕ له پارکی «تخم مرغی» شاری ورمێ به‌ڕێوه چوو. له‌م ڕێوڕه‌سمه‌دا کە 200 كه‌س له ئه‌ندامان و بنه‌ماڵه‌کانیان به‌شداریان بوو به خوێندنی نوێژی شێوان ده‌ستی پێکرد. دوای خوێندنی نوێژی شێوان و خواردنی به‌ربانگ، کۆبوونه‌وه‌یه‌کی دۆستانه له نێو ئه‌نداماندا به‌ڕێوه چوو. پاشان نوێژی خه‌وتنان و ته‌راوێح له که‌ش و ھه‌وای دڵڕفێنی پارکدا به جه‌ماعه‌ت به‌ڕێوه چوو.
کۆپی ڕایت 1401 په‌یامی ئیسلاح. ھەموو مافێکی ئەم ماڵپەڕە، پارێزراوە. ئامادەکردن و په‌ره‌پێدان لەلایەن شەریکەی بەرنامەنووسی رووپەل