داعش، ماڵی ڕێبه‌ران و بنکه‌ی ناوه‌ندی حیزبی ئیسلامی له شاری نه‌ینه‌وای داگیر کرد و گڕی تێبه‌ردا. ابراھیم الحسن، جێگری سه‌رۆکی «مه‌جلیس عه‌شیره‌ته‌کانی نه‌ینه‌وا» له پێوه‌ندییێکی ته‌له‌فۆنیدا له‌گەڵ «العربی الجدید» ڕایگه‌یاند : حیزبی توندڕه‌وی داعش، بنکه‌کانی حیزبی ئیسلامی تاڵان کردووه و پاشان ئه‌م بنکانه‌ی سووتاندووه. بێجگه له‌مه تا ئێستا خانووی زیاد له 30 که‌س له ڕابه‌رانی به‌ناوبانگی ئه‌م حیزبه‌ی له شاری نه‌ینه‌وا داگیرکردووه.
چالاكان لەپێگەكانی ئینتەرنێت و تۆڕە كۆمەڵایەتییەكاندا هەڵمەتێكی فراوانی پشتگیریكردنی بزوتنەوەی حەماسیان دەستپێكردووە, ئەوەش لەپاش لێدوانێكی بنیامین ناتانیاهۆی سەرۆك وەزیرانی قەوارەی جولەكەوە بوو, كەتیایدا ووتبووی لەهیچكام لەجیهانی ئیسلامی و عەرەبیشدا كەسێك نیە كەلایەنگیری و پشتیوانیی بزوتنەوەی حەماس بكات, هەموو لەدژی حەماسن, جگە لەتوركیا و قەتەر و ئێران نەبێت .
عادل جەلیلی، له ئه‌ندامانی پێشڕه‌وی جه‌ماعه‌تی ده‌عوه‌ت و ئیسلاحی ئێران، له ناوچه‌ی سیلوانای ورمێ، کاتژمێر ۱ نیمه‌ڕۆ کۆچی دوایی کرد.
ته‌رمی 200 فه‌له‌ستینی له گۆڕێکی به‌کۆمه‌ڵ له تلاڤیو دۆزرایه‌وه. ئه‌م ته‌رمانه، ھی که‌سانێکه که به ده‌ستی چه‌کدارانی لایه‌نی ڕاستی توندڕه‌وی جوله‌که، له ناوچه پێشووه عه‌ره‌ب نشینه‌کان له ساڵی 1948 شەھید کراون. بە پێی ڕاپۆرتی پێگه‌ی ھه‌واڵنێری وۆرڵد بوڵتەن، ده‌یان ھاووڵاتی فه‌له‌ستینی، له شه‌ش گۆڕی به‌کۆمه‌ڵ له ناوچه‌ی یافا له تەلاڤیودا دۆزراونەتەوە. ئه‌م ته‌رمانه له کاتی شه‌ڕی عەرەبه‌کان و ئیسڕائیل لەلایەن خەڵکی توندڕەوی ئیسڕائیل شەھید کراون.
به‌پێی ھه‌واڵی ھه‌واڵنێری ئیسلاح وێب، ڕۆژی دووشەمە 17ی خەرمانانی 93 یارمەتیەکانی خەڵکی سەرده‌شت بۆ خەڵکی ئاوارە و لێقه‌وماوی شه‌نگاڵ لە ڕێگای سنووری کیلە ڕاده‌ستی ھەرێمی کوردستانی عێراق کرا. ڕۆژی دووشه‌مه سه‌رجه‌م یارمه‌تیه‌کانی خه‌ڵکی سه‌رده‌شت و ناوچه‌که، که له‌م ماوه‌دا کۆکرابوه‌وه به به‌شداری زۆرێ له به‌رپرسان و چالاکوانانی مه‌ده‌نی، له سنووری کیلە ڕاده‌ستی ھه‌رێمی کوردستانی عێراق کرا.
«ئومید زەندی» خوێندکاری خولی کارناسی زانکۆ ئه‌ندازیاری کاره‌با له زانکۆی «علم و صنعت ايران»، له نۆزده‌ھه‌مین خولی ئوله‌مپیادی نێووڵاتی، له به‌شی ئه‌ندازیاری کاره‌با، پلەی سێھه‌می به‌ده‌سھێنا. بەپێی ڕاپۆرتی پێگه‌ی ھه‌واڵنێری ئیسلاح، «ئومید زه‌ندی» خوێندکاری خەڵکی شاری سنە، کە لە زانکۆی عیلم و سەنعەتی ئێران وانە ئه‌خوێنێ، به به‌شداری کردن له نۆزده‌ھه‌مین خولی کێبه‌رکێی زانستی له بەشی ئەندازیاری کارەبا له مانگی گەلاوێژی ئەمساڵدا لەلایەن زانکۆی «تربیت مدرس» بەڕێوە چوو، توانی پلەی سێھەم بەدەس بێنێ.
به پێی ڕاپۆرتی ھه‌واڵنێری پێگه‌ی ھه‌واڵنێری ئیسلاح، به یارمەتی ئه‌نجومه‌نی کلتووری ئه‌قسا «ئافاق» و به یارمه‌تی ھه‌ندێ ڕێکخراوی پشتگری «کێشه‌ی فەلەستین»، کۆبوونەوەیه‌ک له‌ژێر ناوی «غه‌ززه : 51 ڕۆژ خۆڕاگری و سه‌رکه‌وتن» بۆ ڕێزنان له خۆڕاگری قاره‌مانانه‌ی خه‌ڵکی فه‌له‌ستینی دانیشتووی نه‌واری غه‌ززه، به ئاماده‌بوونی «خالد قدومی» نوێنه‌ری بزاڤی حه‌ماس، «ناسر ئه‌بوشه‌ریف» نوێنه‌ری بزاڤی جیھادی ئیسلامی فه‌له‌ستین و ھه‌ندێ له به‌رپرسان ناوخۆی وڵاتی ئێران و چالاکانی بواری فه‌له‌ستین، «مامۆستا عبدالرحمن پیرانی» ئه‌مینداری گشتی جه‌ماعه‌تی ده‌عوه‌ت و ئیسلاحی ئێران و ھه‌ندێ له پشتگیرانی وڵاتی فه
ڕۆژنامەی لۆمۆندی فەڕەنسا، لە لاپەڕەی تیوتەری خۆیدا نووسراوەیەکی لە ژێر ناوی «قەیرانی میسر و ڕۆڵی ئیخوان» بڵاو کردەوه که تێیدا باس لە لاخستنی ڕێکخراوەی ئیخوان «اخوان المسلمینھ»ی میسر ده‌کات.
دادگایێکی میسری، محه‌مه‌د به‌دیع ـ له پێشه‌وایانی گه‌وره‌ی اخوان المسلمین ـ و 14 که‌سی دیکه‌ی به تاوانی به‌شداری له کوشتن و دروستکردنی شەڕ و ئاژاوه له‌کاتی خۆپیشاندانه‌کانی خه‌ڵک دژی کوده‌تا، به زیندانی ھه‌تایی مه‌حکووم کرد. بڕیاریش وا بوو که دادگاییکردنه‌که به ئاماده‌بوونی شاھێده‌کان و بیستنی شایه‌تی ئه‌وان، به‌ڕێوه چێ، به‌ڵام دادگا، به ده‌رکردنی حوکم، ڕۆژنامەوانان و خه‌ڵکی ئاماده‌بووی دادگای تووشی سه‌رسووڕمان کرد.
ڕێوڕەسمی ڕێزگرتن له نووسەرانی ئه‌ندامی جه‌ماعه‌تی سه‌ر به پارێزگای کوردستان له بانه به‌ڕێوه چوو. ڕۆژی ھەینی 28ی خه‌رمانانی ئه‌مساڵ له شاری بانه، به یارمه‌تی پێوه‌ندییه گشتیه‌کانی جه‌ماعه‌تی پارێزگای کوردستان، به به‌ڕێوه‌چوونی کۆڕێک و به ئاماده‌بوونی زیاد له 40 که‌س له نووسه‌ران، وه‌رگێڕان و شاعیران ئه‌ندامی جه‌ماعه‌تی ده‌عوه‌ت و ئیسلاجی ئێران له پارێزگای کوردستان، دەسخۆشی و ماڵئاوایی کرا.
کۆپی ڕایت 1401 په‌یامی ئیسلاح. ھەموو مافێکی ئەم ماڵپەڕە، پارێزراوە. ئامادەکردن و په‌ره‌پێدان لەلایەن شەریکەی بەرنامەنووسی رووپەل