ئێواره‌ی دوێنێ بانگخـوازی ناسراوی جیهانی ئیسلامی و بیریار و نووسه‌ر و مێژوونووس و په‌روه‌رده‌كاری گه‌وره – دكتۆر منیر الغضبان – ی چاودێری گشتیی پێشووی ڕێكخراوی اخوال المسلمينی سوريا، له‌شاری مه‌ككه‌ی پیرۆز كۆچی دواییكرد و له‌حـه‌ره‌مـی كـه‌عـبـه‌ی پـیـرۆزیـشـدا نـوێژی جـه‌نازه‌ی له‌سه‌ر كرا .
مامۆستا شێخ محه‌مه‌د به‌رزه‌نجی، «پێشه‌وای کۆمه‌ڵی ئیسلامی کوردستان» عێراق، کۆچی دوایی کرد. پێشه‌وای کۆمه‌ڵی ئیسلامی کوردستان، مامۆستا شێخ محه‌مه‌دی به‌رزه‌نجی، ڕۆژی ھه‌ینی 23ی پووشپه‌ڕی 1393ی ھه‌تاوی له شاری سلێمانی کۆچی دوایی کرد. ته‌رمی ئه‌م زانا گه‌وره به به‌شداری زۆرێک له لایه‌نگرانی له گوندی «سه‌رگه‌ت»ی ھه‌ورامان به‌خاک سپێردرا.
عارف حسێن پەناھی ناسراو به مامۆستا عارف، حافز و مامۆستای قورئان، شاعیر و نووسه‌ر به‌ھۆی نه‌خۆشینه‌وه کۆچی دوایی کرد.
وه‌زیری ده‌ره‌وه‌ی ئیماراتی یه‌کگرتووی عه‌ره‌بی چووه نه‌خۆشخانه‌ی منداڵانی تووشبووی شێرپه‌نجه و به سه‌روو گرتن له مامۆستای مه‌ریوانی، بۆ هاودڵی له‌گه‌ڵ منداڵانی تووشبووی شێرپه‌نجه‌ی وڵاته‌که‌ی، سه‌ری تاشی.
گروپی که‌ژوانی قه‌ندیل به‌ھۆی نزیکبوونه‌وه ساڵیادی بۆردومانی کیمیاوی سه‌رده‌شت، له ڕۆژانی 15 و 16ی پووشپه‌ڕی ئه‌مساڵ چوونه سه‌ر قه‌ڵای 3300 میتری بینالود له پارێزگای خۆراسان. گروپی که‌ژوانی قه‌ندیلی سه‌رده‌شت، که له شه‌ش کەس پێکھاتووه له ڕۆژانی 15 و 16ی پووشپه‌ڕی 93، به دروشمی «سوڵحی جیھانی بۆ ھه‌موان» و بۆ به‌رزڕاگرتنی یادی کوژراوانی بۆردومانی کیمیاوی سه‌رده‌شت چوونه سه‌ر کێوی 3300 میتری بینالوود له پارێزگای خۆراسان.
ئەمرۆ، حوکمی لە سێدارەدانی دکتۆر محەمەد بەدیع ئەمینداری گشتی اخوان المسلمین و 182 کەسی دیکه لەو کەسانەی کە دژی کودەتای سپا بوون، لەلایەن دادگای شاری منیا بۆ جارێکی تر پەسەند کرا. ئەمڕۆ، شەممە 31ی پووشپەڕ ئەمساڵ، دادگای باڵای تاوانەکانی کودەتا لەشاری منیای میسر بە سه‌رۆکایه‌تی سەعید یوسف، دادوەری لەسێداره‌دانی منیا کە لەمەو پێش حوکمی لەسێدارەدانی 682 کەسی بێ‌تاوانی دەرکردبوو، حوکمی لەسێداره‌دانی دکتۆر محه‌مه‌د به‌دیع ئه‌مینداری گشتی بزاڤی اخوان المسلمین و 182 که‌س له لایه‌نگرانی محه‌مه‌د مورسی داسەپاند.
سه‌لاحه‌ددین ده‌میرتاش وه‌کوو پاڵێوڕاوی پارتی دیموکراتی گه‌لان و دیکه‌ی پارت و دامه‌زراوه سیاسییه‌کانی سه‌ر به په‌که‌که، ڕکابه‌ریی پاڵێوڕاوی دیکه‌ی پارته‌کانی تورکیا ده‌کات، بۆ وه‌رگرتنی پۆستی سه‌رۆک کۆماریی ئه‌و وڵاته. به‌پێی هه‌واڵی ھەواڵنێری ئه‌نادۆڵ، سه‌لاحه‌ددین ده‌میرتاش، سیاسه‌توانی کوردی تورکیا، پاڵێوڕاوێتی خۆی بۆ به‌شداری کردن له هه‌ڵبژاردنه‌کانی سه‌رۆک کۆماریی تورکیا ڕاگه‌یاند.
به‌پێی ھه‌واڵی ھه‌واڵنێری ئیسلاح وێب، له چه‌ن ڕۆژ له‌مه‌و به‌ر له جل و به‌رگی فۆرشی ژنانی شاری تاران سه‌رپۆش به دروشمی «ڕابێعە» کە دروشمی خه‌ڵکی دژه کوده‌تا له وڵاتی میسره، بڵاو بووه‌ته‌وه. ئه‌م سه‌رپۆشانه که به جوانترین شێوه ڕازاونه‌ته‌وه و له وڵاتی تورکیا دروستکراون، چه‌ن دروشمێکی «ڕابێعه»ی له‌سه‌ر نووسراوه و ناوی چه‌ن شوێن و شاری جیھانی پێوه‌یه و ھه‌روه‌ھا لێی نووسراوه : «کل دنیا رابعه» واته : «ته‌واوی جیھان رابیعه‌یه».
ڕۆژنامه‌ی – واشینگتۆن پۆست – ی ئه‌مریكی بڵاوی كردووه‌ته‌وه كه " محمد مورسی " ی سه‌رۆكی دوورخراوه‌ی میسر تاكه كه‌سێكه كه‌توانای چاره‌سه‌ركردنی قه‌یرانه ئاڵۆزه‌كه‌ی ئێستای فه‌له‌ستینی هه‌بێت، چونكه له‌كاتی مـاوه كـه‌مـه‌كـه‌ی سه‌رۆكایه‌تییدا توانیی ئه‌و ڕاستیه بسه‌لمێنێت كه‌له‌توانایدایه كه‌به‌و كاره هه‌ڵسێت، كه‌ته‌واوی كۆمه‌ڵگه‌ی نێوده‌وڵه‌تی نه‌یتوانی بیكات .
کۆپی ڕایت 1401 په‌یامی ئیسلاح. ھەموو مافێکی ئەم ماڵپەڕە، پارێزراوە. ئامادەکردن و په‌ره‌پێدان لەلایەن شەریکەی بەرنامەنووسی رووپەل