لەگەڵ ئەوەی كەهەوڵێكی زۆر درا بۆ دژایەتیكردن و ناشرینكردنی ئایینی پیرۆزی ئیسلام و موسوڵمانان لەپاش هێرشەكەی مانگی ڕابردووی سەر ڕۆژنامەی چارلی ئیبدۆوە لەپاریسی پایتەختی فەڕەنسا, بەڵام دەرەنجامەكانی پێچەوانە بوونەوە و چاوەڕوان نەكراو بوون, چونكە بەو هۆیەوە خەڵكانێكی زۆری فەڕەنسی موسوڵمان بوون .
یاشار كه‌ماڵ، گه‌وره نووسه‌رو ئه‌دیبی كورد دوای ململانێیه‌كی زۆر له‌گه‌ڵ نه‌خۆشیدا دواجار ڕۆژی 2015/2/28 بۆ هه‌میشه چاوه‌كانی لێكناو ماڵئاوایی له‌دۆست وئازیزان و گه‌لی كوردو خوێنه‌ره‌كانی كرد. یاشار كه‌ماڵ گه‌وره نووسه‌ر و ئه‌دیبی كورد له 14ی مانگی یه‌كی ڕابردوو به‌هۆی كێشه له‌سیسته‌می هه‌ناسه‌دان و نه‌خۆشی له‌دڵیدا ڕه‌وانه‌ی نه‌خۆشخانه‌یه‌كی ئه‌سته‌نبوڵ كراو له‌وكاته‌وه له‌ژێر چاودێری پزیشكدابووه، به‌ڵام دڵی پڕ ئومێدی نه‌یتوانی له‌وه‌زیاتر به‌رگه بگرێ و رۆژی 2015/2/28 له ته‌مه‌نی 92 ساڵیدا دونیای بۆ هه‌میشه به‌جێهێشت.
به بەڕێوه‌چوونی ڕێوڕەسمێک، لە نەرمئامێری گوڵچینێک له ئاسه‌واره‌کانی مامۆستا «ھه‌ژار موکریانی» بە دەنگی ماجید مەردۆخ ڕۆحانی لە بانە ڕوونوێنی کرا. بە پێی ڕاپۆرتی ئیسلاح وێب، لە بیست و چواره‌مین ساڵیادی کۆچی شاعیر، نووسەر و وەرگێڕی بەناوبانگی کورد، مامۆستا عەبدولڕەحمان شەره‌فکه‌ندی ناسراو به ھه‌ژار موکریانی، له سی‌دی گوڵچینی ئاسه‌واره‌کانی ئه‌م شاعیر و وه‌رگێڕه پایه‌به‌رزه به دەنگ و خوێندنه‌وه‌ی ماجید مه‌ردۆخ ڕۆحانی له ڕۆژی 14ی ڕه‌شه‌مێ ئەمساڵ، ڕوونوێنی کرا.
دادگای میسر، ڕۆژی دووشەممه، 25ی ڕەشەمێ حوکمی محەمەد بەدیع، ئەمینداری گشتی جەماعەتی ئیخوانولموسلمین و 13 که‌سی دیکه له گه‌روه‌پیاوانی ئه‌م جه‌ماعه‌تی نارده لای موفتی وڵاتی میسر تا بۆ له سێداره‌دانیان به تاوانی «گه‌ڵاڵه‌داڕشتن بۆ کۆبوونه‌وه‌کانی گۆڕه‌پانی ڕابێعە» ڕای خۆی ده‌ر ببڕێ. به‌پێی راپۆرتی سه‌رچاوه‌یه‌کی دادوه‌ری، دادگا، ڕۆژی 11ی مانگی ئاوریلی داھاتووی بۆ ڕاگه‌یاندنی ئه‌م حوکمه دیاری کردووە.
سه‌ر له به‌یانی ڕۆژی یه‌کشه‌ممه 23ی خاکه‌لێوه، مامۆستا سدیق نه‌سری، پێشنوێژ و وتارخوێنی گوندی ساتیاری سه‌ر به شاری پاوە، پاش ماوه‌یه‌کی زۆر خزمه‌تی موخلیسانە به ئایین و کلتور، به‌ھۆی نه‌خۆشی و پیری ته‌مه‌نیه‌وه، کۆچی دوایی کرد.
لەووتارێكیدا لەكۆنگرەی یەكێتیی ئەوروپا كە لەووڵاتی ئیتاڵیا بەسترا، دكتۆر (محمد البرادعی) ی جێگری سەرۆكی پێشووی میصر و سەرەكیترین كاراكتەری سیاسیی ئەو ووڵاتە ووتی كە پێویستە شۆڕشی میصری بەردەوام بێ. بەڕادعی وتیشی كە ئیخـوان موسلیمین گەورەترین ڕێكخراوی سیاسیی میصرە و توانیشیان كە لە هەڵبژاردنەكاندا گەورەترین سەركەوتن بەشێوەی پاك و بێگەرد بەدەست بهێنن، بەڵام كارەكە وا هات كە ڕێنەكەوتین و بارودۆخەكە بەو ئاقارەی ئێستا گەیشت .
رەجەب تەیب ئەردۆغان سەرۆك كۆماری توركیا بە یاوەری ئامینە ئەرۆدغانی خێزانی سەردانی ووڵاتی ئەلبانیای كردو هەر لەوێش بەردی بناغەی گەورەترین مزگەوتی ئەو ووڵاتـەی دانا و لە مەراسیمەكەدا دەستی كرد بە گریان . دوو هەفتە لەمەوبەر لە نێوان كۆبونەوەی باڵای سەرۆك كۆماری توركیا و ئەلبانیا ، رەجەب تەیب ئەرۆدگان بەڵێنی دروست كردنی گەورەترین مزگەوتی لە شاری (تیرانا)ی پایتەختی ووڵاتـی ئەلبانیا داو و هەروەها لە پاڵ مزگەوتەكەش گەوەرەترین مۆزەخانە لەو ووڵاتە دەكاتەوە .
ئه‌حمه‌د شه‌ریفی، نووسه‌ر و ڕۆژنامه‌نووسی کورد، به‌یانی ئه‌مڕۆ چوارشه‌ممه کۆچی دوایی کرد. به پێی ڕاپۆرتی ئیسلاح وێب، ئه‌حمه‌د شه‌ریفی ماوه‌یه‌کی زۆربوو به نه‌خۆشینه‌وه گرفتار بوو و له‌م دواخریانه‌دا بارودۆخی جه‌سته‌یی زۆر ناله‌بار ببو.
فه‌ھمی ھوه‌یدی ڕۆژنامه‌نووسی میسری سه‌باره‌ت به ئاکامی ھه‌ڵبژاردنه‌کانی تورکیا که ڕۆژی یه‌کشه‌ممه به‌ڕێوه چوو، وتی : حیزبی داد و گه‌شه‌پێدان ھه‌رچه‌ن ھه‌ندێک له کورسیه‌کانی پارله‌مانی له ده‌ست دا بەڵام توانی براوه‌ی مێژوو و دێموکراسی بێت. ھوه‌یدی له پێوه‌ندیه‌کی تایبه‌تی کە له ڕێگای ته‌له‌فۆنه‌وه له‌گه‌ڵ ھه‌واڵنێری ئاناتۆلیدا بووی، ڕایگه‌یاند : «ھه‌رچه‌ن حیزبی داد و گه‌شه‌پێدان، له‌م ھه‌ڵبژاردنه‌دا، ھه‌ندێک له کورسیه‌کانی پارڵمانی له ده‌س دا، به‌ڵام ده‌بێ دیان به‌وه‌دا بنێین که له مێژوو و دێموکراسیدا براوه بوو.»
زانای پایه‌به‌رز، مامۆستا مه‌لا مه‌حمود واوی، وتارخوێنی «نه‌ڵاس»ی سه‌رده‌شت، ڕۆژی سێ شەممه، ماڵئاوایی له ژیان کرد. به پێی ڕاپۆرتی پێگه‌ی ھه‌واڵنێری ئیسلاح، مامۆستا مه‌لا مه‌حمود واوی، کوڕی مه‌لا محه‌مه‌د له ساڵی 1317ی ھه‌تاوی له گوندی «بناوه«ی سه‌رده‌شت ھاته دونیاوه. له ته‌مه‌نی سێ ساڵیدا باوکی له ده‌ست دا. پۆلی سه‌ره‌تایی له خوێندنگاکانی سه‌رده‌شتدا خوێندووه.
کۆپی ڕایت 1401 په‌یامی ئیسلاح. ھەموو مافێکی ئەم ماڵپەڕە، پارێزراوە. ئامادەکردن و په‌ره‌پێدان لەلایەن شەریکەی بەرنامەنووسی رووپەل