ماڵپه‌ڕی فەرمی جەماعەتی ده‌عوەت و ئیسلاح

به‌بۆنەی ڕووداوی بۆمەلەرزە لە خۆرئاوای وڵاتی ئێران، ئەمینداری گشتیی جەماعەت، مامۆستا عەبدوڕڕەحمان پیرانی وێڕای دەربڕینی ھاوخەمی و سەرەخۆشی لە گیانبەختکردووانی ئەم ڕووداوە دڵتەزێنە، داوای لە ھەموو دەزگا بەرپرسەکان و ڕێکخراوەگشتییەکان کرد کە یارمەتی خەسارلێکەوتووان بدەن.

وەناو خودا کە دەهەندە و دلۆڤانه چوارەمین کۆنگرەی جەماعەتی دەعوەت و ئیسلاح، لە دۆخێکدا دووهەمین دانیشتنی خۆی بەڕێوه دەبا کە دونیای ئیسلام و ڕۆژهەڵاتی ناوەڕاست له ڕەوشێکی شێواو و ئاڵۆزکاودایه. قەیرانگەلی فکری و سیاسی، مشتومڕه پڕلەئاژاوەکان به هۆی چالاکیی گرووپە توندئاژۆیەکان و ڕۆلێ وڵاتانی زلهێز و دەوڵەتەکانی ناوچه لەو قەیرانانەدا، دۆخێکی پێک هێناوه که نەتەنیا نێوانی دەوڵەت و خەڵکی درشت کردۆتەوە، بەڵکوو ئاوارەیی، برینداری و گیانلەدەستدانی ئەژمارێکی زۆر لە هاووڵاتیانی سڤیلی لێکەوتۆتەوە.

بسم الله الرحمن الرحیم

... وَ لِتُکمِلُوا الْعِدَّةَ وَ لِتُکبِّرُوا اللَّهَ عَلى‌ ما هَداکمْ وَ لَعَلَّکمْ تَشْکرُونَ. البقرة/185

بسم الله الرحمن الرحیم

شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ﴿البقرة: ١٨٥﴾

جارێکی تر لوتف و مەرحەمەتی خوداوەندی حەکیم و کاربەجێ، بەهاری پڕ له واتا و مەعنەویەتی ڕەمەزانی ئاوێتەی بەهاری سروشت و جوانی کرد و دونیای ئیسلامی به بۆن و بەرامی ئیمان و پارێزگاری بۆنخۆش و عەتراوی کرد؛ پەیوەندی بنەڕەتی ژیانی مرۆڤ به پاکبوونەوە و پێداویستی ئەو به کۆنترۆڵ و ڕاگیرکردنی بەردەوامی  نەفسی نەوسن و نافەرمان، پێویستی ئەوی بە تێپەڕاندنی ماوەیەکی تایبەت و دیاریکراو بە مەبەستی جوانکردنی ئەخلاق و ڕاهێنانی لەسەر ئەنجامدانی کردەوە باشەکان، زەروور و حاشاهەڵنەگر کردووە؛ ڕەمەزان ئەو مەودا پیرۆز و مەبارەکەیە کە لەودا ڕاهێنانێکی سازندە و چارەساز دێتە کایە و بەهاری پڕ شکۆفەی ئەو کەسانەیە کە بە پیت و بەرەکەتی ڕوانگەیەکی قورئانی، جگە لەوەی پاراستنی مافی خەڵکانی تر بە ئەرکی سەرشانی مرۆڤ وەک بوونەوەرێکی شارستانی دەزانن، بەڵکوو وەک ئافریدەیەکی ڕاسپاردە بەندایەتی خودا و جوانکردنی ئەخلاق و کردەوەش وەک ئەرک و تەکلیف سەیر دەکەن؛ ڕۆژوو بارێکی زیادی بۆ دانان نییه، بەڵکوو بەندایەتییەکی دڵخوازه کە له ڕەوگەی گەیشتن بە مەعنەویت و پاڵاوتەیی دەبێ یارمەتی لێ بخوازرێ تا شانبەشانی نوێژ، گرێی خۆویستی و یاغیگەری لە دەست و پێی ڕوح و گیان بکاتەوە و دەستی تێکدەری نەفس لە گەردنی باوەڕ و ئیمان کورت کاتەوە و تۆزوخۆڵی حەز و هەوەس دامرکێنێ تاکوو چاوی عەقڵ چەرمەسەری پاش ئەنجامی تاوان و ئەنجامه  پڕ مەترسییەکەی به ڕوونی ببینێ و به پارێزگاری و خزمەت بە خەڵك و دووربوون لە خەیانەت و تاوان، بوێرانه و بەرپرسیارانه، هەنگاو هەڵێنێتەوە.

وەناو خودا کە دەهەندە و دلۆڤانە

«وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ»(محمد/17)؛ 

ئەوانەی کە هاتوونە سەر ڕاستەڕێ (خودا) پتر شارەزایان دەکا و خۆپاراستن و شکۆی (خودا) پتر دەچێتە دڵیانەوە.

بە بۆنەی هاتنی جەژنی ڕەمەزان کە هەلی شوکرانە و مایەی دلخۆشی و شکۆی ئیمانه، پیرۆزبایی به هەموو خوشکان و برایانی جەماعەتی دەعوەت و ئیسلاح و سەرجەم هاووڵاتیانی بەڕێزم دەڵێم و پڕ بە دڵ موبارەکبادییان لێ دەکەم.    

بسم الله الرحمن الرحیم 

 وَلِتُكَبِّرُوا اللَّـهَ عَلَىٰ مَا هَدَاكُمْ وَلَعَلَّكُمْ تَشْكُرُونَ ﴿البقرة: ١٨٥﴾

بسم الله الرّحمن الرّحیم

 «وَتَزَوَّدُوا فإنَّ خَيْرَ الزَّاد التَّقْوَى»(البقرة: ١٩٧) 

با زەواد و تۆشەتان پێ بێ؛ بێگومان چاکترین تۆشە بۆ ئێوە، خۆپارستن لە گوناح و تاوانە.

بسم الله الرّحمن الرّحیم
«شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَ الْفُرْقَانِ»

بسم الله الرحمن الرحیم «شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فمن شهد منكم الشهر فليصمه...»

جارێکی تر برینی خوێنینی فه‌له‌ستین خوێنی لێ ڕژایه‌وه‌ و چڕنووکه سته‌مکاره‌که‌ی ڕژێمی زایۆنیزم برینێکی دوباره‌ی له‌ کۆته‌ڵی بریندار به‌ڵام خۆڕاگری فه‌له‌ستین دروست کرد و ئیسڕائیلی داگیرکه‌ر به‌ ده‌رفه‌تخواستن له‌ دۆخی ئاڵۆز و لاوازی ناوخۆی موسوڵمانان، فریوی ته‌ماعی پووچه‌ڵی خۆی خوارد و ئازادی ئایینیی نوێژخوێنان و عابیدانی فه‌له‌ستینی، حوڕمه‌تی مزگه‌وتی ئه‌قسا و مانگی ڕەمەزان و ماف و به‌ڵێنه‌کانی نێونه‌ته‌وه‌ییان به‌بێشه‌رمی ژێر پێ خست و به‌ هێرشێکی دڕندانه بۆ سه‌ر ماڵ و حاڵی ناوچه‌ی شێخ جه‌ڕاح، جینایه‌تێکی تری له‌سه‌ر کارنامه‌ی ڕه‌ش و مێژووی گشتیی داگیرکه‌رانه‌ی خۆی تۆمار کرد.