دکتۆر عەبدوڕڕەحمان پیرانی، «ئەمینداری گشتی جەماعەت» بە ناردنی برووسکەیەک، سەرەخۆشی خۆیی بە بۆنه‌ی کۆچی دوایی بیرمەندی گەورە، دکتۆر حەسەن تورابی، «سەرۆکی حیزبی کونگرە نەتەوەیی سودان»ی ئاراستەی خەڵکی سودان و زانایانی ئوممەتی ئیسلام کرد. دەقی پیامەکەی ئەمینداری گشتی بەم جۆرەیە: بسم الله الرّحمن الرّحیم بەڕاستی ئەو کەسانەی کە وتیان: پەروەردگاری ئێمە، ئەڵڵایە و پاشان خۆڕاگریان نواند، پەریەکان دادەبەزنە سەریان و پێیان دەڵێن کە مەترسن و خەفەتیش مەخۆن، مزگێنی بەھەشتتان لێ بێ. ئێمە لەم جیھان و جیھانی دیکەش، ھاوەڵی ئێوەین. لەوێ ھەر شتێکتان بوێ و داوای ھەر شتێک بکەن دەستان دەکەوێ، ئەمە پێشکەشییەکە لە لایەن پەروەردگارەوە. به خەم و پەژارەیەکی زۆرەوە، ھەواڵی کۆچی دکتۆر حەسەن تورابی، ڕامیار و بیرمەندی گەورەی بزاڤی ئیسلامی ھاوچەرخ و سەرۆکی کونگرەی نەتەوەیمان پێ گەیشت. خوالێخۆشبوو، دکتۆر تورابی، ھەموو تەمەنی پڕخێر و بەرەکەتی لە ڕێگای بانگەواز بەرەو لای خودا، ئازادی، نوێخوازی ئایینی، مافی ژن و یەکیەتی نێوان موسوڵمانان بردە سەر. بێجگە لەمانە، بیرو ڕای جیاوازی فیکری و فقێھی قووڵ و مودێڕنیان بوو ببوونە ھۆی بەرزبوونەوەی پلە و پایەی ئەوان لە گۆڕەپانی بانگەوازی ئیسلامی دا . لە لایەن خۆم و ھەموو ئەندامان و لایەنگرانی جەماعەتی دەعوت و ئیسلاح پرسە و سەرەخۆشی خۆم ئاراستەی حیزبی کۆنگرەی نەتەوەیی، خەڵکی سودان و زانایانی ئیسلام دەکەن. لە خوای گەورە داواکارم کە دکتۆر تورابی ببەخشێ و ڕەحمەتی خۆی بڕێژێ بەسەریدا و بە خزم و کەسەکانیشی سەبر و خۆڕاگری ببەخشێ. إنا لله و إنا إلیه راجعون دكتۆر عبدالرحمن پیرانی ئەمینداری گشتی جەماعەتی دەعوەت و ئیسلاح