لاوی پیرانشاری ئه‌ندامی بنکه‌ی ڕاهێنانی هزری مناڵان و مێرمناڵانی ئازربایجانی ڕۆژاوا دیپڵۆمی فه‌خری بیست و یه‌که‌مین کێبڕکێی نێونه‌ته‌وه‌یی وێنه‌کێشانی ژینگه‌یی «جی کیو ئی» وڵاتی ژاپۆنی به‌ده‌ست هێنا.
ئه‌و کێبڕکێیه به ته‌وه‌ری «زه‌وی له ساڵی ٢٠٣٠» له ساڵی ٢٠٢١ به‌ڕێوه چوو و له‌نێو ١٤هه‌زار و ٦٨٩ به‌رهه‌م له ٨٠ وڵات، هه‌شت مناڵی هونه‌رمه‌ندی ئێرانی توانیان خه‌ڵات و دیپڵۆمی فه‌خری ئه‌و ڕووداوه نێونه‌ته‌وه‌ییه به‌ده‌ست بێنن.
به‌پێی ئه‌و هه‌واڵه، «نیلوفه‌ر ئه‌فشاری» ١٥ ساڵه له ناوه‌ندی پیرانشار دیپڵۆمی فه‌خری به‌شی نێونه‌ته‌وه‌یی ئه‌و کێبڕکێیه‌ی به‌ده‌ست هێنا.
ناوه‌ندی په‌روه‌رده‌ی هزری مناڵان و مێرمناڵانی وڵات به ناردنی ٦٦ به‌رهه‌می وێنه‌کێشانی ئەندامانی ناوه‌نده فه‌رهه‌نگی هونه‌رییه‌کان له بیست و یه‌که‌مین کێبڕکێی نێونه‌ته‌وه‌یی وێنەکێشانی ژینگه‌یی «جی کیو ئی» وڵاتی ژاپۆن به‌شداری کرد.
بۆچوونه‌کان