له کاتێکدا به‌ره‌و شه‌وانی قه‌دری پیرۆز ده‌ڕۆین هه‌والێکی مزگێنی‌ده‌ر دڵی شه‌یدایانی قورئانی خۆش کرد.

بۆ یه‌که‌م جار سیپاره‌ی قورئانی پیرۆز به شێعری کوردی به پێنوسی ریزدار رێبوار هه‌جمنه‌یی مه‌ریوانی وه‌رگێڕدرا.

ئه‌م به‌رهه‌مه ناوازه‌یه  له لایه‌ن بلاوکراوه‌ی ئه‌وینی مه‌ریوانه‌وه ئاراسته‌ی کتیب‌خانه‌ی کوردی کراوه ، وه‌رگێڕ به‌رهه‌مه‌که‌ی پێشکه‌ش ده‌کات به گیان و رۆحی پیرۆزی حه‌زره‌تی موحه‌ممه‌د (د.خ) که تاکه ئه‌ستێره‌ی پرشنگداری ئه‌زمێنی مرۆڤایه‌تییه هه‌روه‌ها به گه‌لی کورد به تایبه‌ت ئه‌وانه‌ی که دڵیان بۆ گه‌شه‌پێدانی ئایین و نه‌ریت لێده‌دا. وێڕای ده‌سخۆشی له وه‌رگێڕی زۆر به‌ڕێز خوێنه‌رانی هێژا ئاگادار ده‌که‌ینه‌وه به‌م زوانه وتارێک له سه‌ر ئه‌م به‌رهه‌مه ره‌نگینه پێشکه‌ش ده‌که‌ین.