دینا زه‌که‌ریا که ڕۆژنامه‌نووسێکه، به‌بۆنه‌ی سه‌رکه‌وتنی ڕه‌جه‌ب ته‌یب ئه‌ردۆغان، سه‌رۆک وه‌زیرانی ئێستای تورکیا و سه‌رۆکی حیزبی داد و گه‌شه‌پێدان (عدالت و توسعە) له ھه‌ڵبژاردنه‌کانی سه‌رۆک کۆماری تورکیا و سه‌رکه‌وتن به‌سه‌ر ڕه‌قیبه‌که‌ی دا، ئیحسان ئۆغڵو له‌خه‌ڵکی تورکیا پیرۆزبایی کرد. خاتوو زه‌که‌ریا له ھۆنراوه‌یێک دا که له تۆڕی کۆمەڵایه‌تی فه‌یس بووکدا بڵاوی کردووه‌ته‌وه نووسیویه‌تی : سه‌رکه‌وتنی جه‌نابی ئه‌ردۆغان و ھه‌ڵبژاردنه‌که‌ی بۆ سه‌رۆک کۆماری، له خه‌ڵکی تورکیا پیرۆز بێ، ئه‌ردۆغان! خوای گه‌وره یارمه‌تیت کا تا بتوانی ئه‌م ئه‌رکه‌ی که‌وتوه‌ته سه‌رشانت به باشی به‌ڕێوه‌ی به‌ری. ناوبراو له درێژه‌دا به ئاماژه به پله‌و پایه و که‌سایه‌تی که‌سانێکی وه‌کوو ئه‌ردۆغان و حیزبه‌که‌ی نووسیویه‌تی : به‌ڵێ ھه‌روایه، له‌ھه‌ر شوێنێ ھه‌ڵبژاردنی ئازاد و سه‌ربه‌خۆ و دیموکراتیک به‌ڕێوه چێت، به‌دڵ ئه‌رخه‌یانیه‌وه نوێنه‌رانی ئیسلامیه‌کان سه‌رئه‌که‌ون و ته‌نیا کوده‌تای چه‌کداری ده‌توانێ جێگای ئه‌مه بگرێ. ئه‌م ھه‌واڵنێره له کۆتاییدا وێڕای ئاواتخوازی بۆ ئیسلامییه‌کان وتی : بژین ئه‌ی ئازادیخوازه‌کان! غه‌ززه له شه‌ڕی چه‌کداریدا سه‌رکه‌وت و دڵئه‌رخه‌یان بن که له شه‌ڕی سیاسیشدا سه‌رده‌که‌وێ و ئه‌مڕۆش ده‌بینین که تورکیا به‌سه‌ر پیلانگێڕه‌کان دا سه‌ر ده‌که‌وێ، و بزانن که له زووترین کاتدا میسر و سوریا و عێراق و لیبیا و ... جه‌ژنی سه‌رکه‌وتن ده‌گرن، ئاماده و چاوه‌ڕوان بن، چونکو مزگه‌وتی ئه‌قسا چاوه‌ڕوانی ئێوه‌یه ـ که‌سانێک وه‌ک ئه‌ردۆغان ـ به‌سه‌ر ده‌بات و چاوه‌ڕوانه... جێگای باسه که وه‌زیری دادی تورکیا شه‌وی یه‌کشه‌ممه سه‌رکه‌وتنی ڕه‌جه‌ب ته‌یب ئه‌ردۆغان، سه‌رۆک وه‌زیرانی تورکیای له یه‌که‌م ھه‌ڵبژاردنی سه‌رۆک کۆماری ئه‌م وڵاته به به‌ده‌سھێنانی 53% ده‌نگه‌کان و به جیاوازی 5 ملوێن ده‌نگه له ڕه‌قیبه‌که‌ی ئه‌کمه‌له‌دین ئێحسان ئۆغڵو سه‌رۆکی پێشووی سازمانی ھاوکاری ئیسلامی و پاڵێوراوی حیزبه لیبڕاڵه‌کان توانی 5/37 % ده‌نگه‌کان به‌ده‌س بێنێ، ڕاگه‌یاند.
بۆچوونه‌کان