حەمەی مەلاکەریم، کۆچی دوایی کرد

محەممەدی کوڕی مەلا عەبدولکەریمی مودەڕیس، نووسەر، توێژەر و وەرگێڕی کورد، سەرلە بەیانی ئەمڕۆ یەکشەممە 22ی ڕەشەمە، کۆچی دوایی کرد.

محەممەدی کوڕی مەلا عەبدولکەریمی مودەڕیس ساڵی 1931ی زایینی لە گوندی «بیارە» سەر بە ھەورامان چاوی بە دونیا ھەڵێناوە. خوێندنی لای باوکی دەست پێکردووە و ئیجازەی مەلایەتی لەلای باوکی وەرگرتوە. پاشان ڕووکردوەتە چالاکی کۆمەڵایەتی و سەردەستی گۆڤارێکی مانگانە بووە بە ناوی «دەنگی فەقێ».

مامۆستا محەمەدی مەلاکەریم، شارەزای زمانی کوردی، ھەورامی، عەرەبی و فارسی بوو. ھاوشان لەگەڵ مامۆستا مەلا عەبدولکەریمی مودەڕڕیس، ڕاڤە و لێکۆڵینەوەی دیوانی شێعری ھەندێ لە شاعیرانی ناوداری کورد، وەک: مەولەوی، مەحوی و نالی ... کردووە.

پاش 86 ساڵ تەمەن و خزمەتکردنێکی کەم وێنە بە زمانی و ئەدەبی کوردی، سەر لەبەیانی ئەمڕۆ کۆچی دوایی کرد.

بڕیارە تەرمەکەی لە گۆرخانەی شاری سلێمانی، واتە «گردی سەیوان» و لە تەنیشت قەبری مامۆستا «گۆران» ئەسپەردەی خاک بکرێ.

إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ

إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ

ماڵپه‌ڕی فەرمی جەماعەتی ده‌عوەت و ئیسلاح

حەمەی مەلاکەریم، کۆچی دوایی کرد

بۆچوونه‌کان

حەمەی مەلاکەریم، کۆچی دوایی کرد

بابەتە پەیوەندیدارەکان

بۆچوونه‌کان