سايتي الجزيره خاتوو «فڕانسین فان فریدینگه‌ن» ئافره‌تێکی ھونه‌روه‌ری ھۆڵه‌نداییه‌ که‌ دوای لێکۆڵینه‌وه‌ و خوێندنه‌وه‌یه‌کی زۆر ده‌رباره‌ی ئیسلام و وتووێژ له‌گه‌ڵ موسوڵمانان، ڕووکردوه‌ته‌ ئایینی ئیسلام. ئه‌م خاتوونه‌ که‌ په‌روه‌رده‌ی کلتووری مه‌سیحیه‌ته‌ (ئایین‌زای پڕۆته‌ستان) و له‌ ئه‌مریکا خوێندوویه‌تی، باوه‌ڕھێنان به‌ سێ خودا و خودایه‌تی عیسا (د.خ) به‌دژی عەقڵ ئه‌زانێ و ده‌وڵه‌مه‌ندی و فره‌لایه‌نی ناوه‌کی ئیسلامی که‌ خاڵێکی به‌رچاوی ئه‌م ئایینیه‌یه‌، به‌ ھۆکاری ڕووکردنی خۆی به‌ره‌و ئیسلام ده‌زانێ. خاتوو فریدینگن که‌ له‌سه‌ره‌تاوه‌ پێی خۆشبوه‌ ببێته‌ «قه‌شه‌»، وتی: «شوکر بۆ خوا که‌ به‌ھۆی وه‌رگرتنی ئیسلام که‌ له‌ نێوان مه‌عنه‌ویه‌ت و واقعیه‌ت دا پارسه‌نگی داناوه‌، ده‌توانین ھاوکات ھه‌م واقعبین و ھه‌م پارسا بیت.» به‌پێی ڕاپۆڕتی الجزیرە، له‌ 5/16 ملیۆن خه‌ڵکی ھۆڵه‌ند، نزیک به‌ 1 ملوێنی موسوڵمانن که‌ به‌ ڕه‌چه‌ڵه‌ک تورک و مه‌راکێشین و نزیک 16 ھه‌زار که‌سیش به‌ ڕه‌چه‌ڵه‌ک ھۆڵه‌ندایین. شوکرانه‌ بژێری خودای گه‌وره‌ له‌سه‌ر نیعمه‌تی ئیسلام ده‌که‌ین و بۆ ئه‌م خوشکه‌ نوێ موسوڵمانه‌، له‌ خوای گه‌وره‌ سه‌رکه‌وتوویی و ڕاوه‌ستایی و عاقیبه‌ت به‌خێری بۆ داواکارین.